சென்னை: கோலமாவு கோகிலா, டாக்டர் படங்களைத் தொடர்ந்து இயக்குநர் நெல்சன் நடிகர் விஜய்யை வைத்து இயக்கும் படம் ’பீஸ்ட்’. இப்படத்தில் விஜய்க்கு ஜோடியாக பூஜா ஹெக்டே நடிக்கிறார். அனிருத் இசை அமைக்கும் இப்படத்தை சன் பிக்சர்ஸ் நிறுவனம் பிரம்மாண்டமாக தயாரிக்கிறது.
இப்படத்தின் முதல்கட்ட படப்பிடிப்பு ஜார்ஜியாவில் நடைபெற்றது. இரண்டாவது கட்ட படப்பிடிப்பு சென்னையில் நடத்த திட்டமிடப்பட்டிருந்த நிலையில் கரோனா இரண்டாம் அலை காரணமாக படப்பிடிப்பு ஒத்திவைக்கப்பட்டது.
தற்போது தளர்வுகள் அளிக்கப்பட்டு படப்பிடிப்பு நடத்த தமிழ்நாடு அரசு அனுமதியளித்துள்ள நிலையில், பீஸ்ட் படத்தின் இரண்டாவது கட்ட படப்பிடிப்பு சென்னையில் இன்று (ஜூலை.01) தொடங்கியது. இதில் விஜய், பூஜா ஹெக்டே நடிக்கும் பாடல் காட்சிகள் படமாக்கப்படவுள்ளன.
இதையும் படிங்க: மீண்டும் தொடங்குகிறது சூர்யா 40 படப்பிடிப்பு
